ЛЕТО 2026 – ШПАНИЈА
БЕНИДОРМ - Луксузот на шпанската Коста Бланка

Добредојдовте во Бенидорм, бисерот на шпанската Коста Бланка, познат по своите прекрасни плажи, раскошна клима и енергичен дух. Овој град, често нарекуван „Менхетен на Медитеранот,“ е популарна дестинација за патници од целиот свет кои бараат комбинација од забава, одмор и култура.

Главни атракции во Бенидорм:

• Плажи од светска класа: Плажа Леванте и Плажа Пониенте се меѓу најдобрите во Европа, нудејќи златен песок, кристално чиста вода и сите потребни удобности за идеален ден на плажа.
• Енергичен ноќен живот: Бенидорм е познат како град што никогаш не спие, со барови, дискотеки и ресторани кои го прават центарот на ноќниот живот во регионот.
• Тематски паркови и авантури: Terra Mítica – Парк инспириран од антички цивилизации, Aqualandia – Забавен воден парк за сите возрасти, Mundomar – Морски парк со животни, совршен за семејства.
• Стар град: Прекрасно место за шетање низ тесни улички, со традиционални шпански ресторани, продавници и спектакуларни панорамски погледи од Балкон дел Медитеранео.
• Природни убавини: Пејсажот околу Бенидорм е совршен за љубители на природата, со ридови, пешачки патеки и прекрасниот парк Сиера Хелада.

Бенидорм е идеална дестинација за семејства, парови или пријатели и е совршен избор за патници кои бараат комбинација од релаксација, забава и културно истражување. Без разлика дали сакате да лежите на плажа, да истражувате нови вкусови или да уживате во адреналински активности, Бенидорм ќе ги исполни сите ваши очекувања!

– Највисокиот хотел во Европа и Симбол за луксуз во Бенидорм. Овој хотел е визуелна атракција и архитектонско ремек-дело. Сместен на неколку метри од познатата Пониенте Плажа, Gran Hotel Bali нуди спектакуларни погледи на Средоземното Море и на целиот град Бенидорм. Благодарение на својата локација, гостите можат лесно да пристапат до плажите, локалните атракции и трговските зони.
 Gran Hotel Bali е познат како еден од највисоките хотели во Европа, со висина од 186 метри и 52 ката. Овој монументален  објект е симбол на модерниот Бенидорм, нудејќи комбинација од удобност, луксуз и неверојатни погледи од своите панорамски тераси. Совршен избор за оние кои бараат луксузен престој, врвни услуги и уникатно искуство во Бенидорм. Без разлика дали патувате со семејството, со партнер или со пријатели, овој хотел ќе го направи вашиот одмор незаборавен!
 Просторните соби на Бали се уредени во елегантни неутрални тонови. Сите соби имаат сателитска телевизија, сеф и минибар. Достапен е и Wi-Fi. Гостите можат да уживаат во оброци на шведска маса во двата ресторани на хотелот. Исто така, има бар покрај базенот и диско-бар. Gran Bali нуди целосна програма за анимација, а располага и со игротека со пинг-понг и маси за билијард.
 Спа-центарот на Gran Hotel Bali & Spa вклучува сауна, теретана и џакузи. Може да се резервираат масажи и различни третмани за убавина. Влезот во спа-центарот и третманите се со доплата.
 Сместен во тивката област Ла Кала во Бенидорм, Gran Hotel Bali & Spa е на само 5 минути пешачење од плажата Пониенте. Забавниот парк Тера Митика се наоѓа на околу 3 км.

Полнпаснион + Трансфер + Авионски билети

 
 Во цената е вклучено:
-Авионски билет со лет од Тирана со авиокомпанијата Wizz Air, со вклучени аеродромски такси TIA 18:05-VAL 21:00 | VAL 21:40-TIA 00:20
 -Трансфер Скопје – Тирана – Скопје
 -Трансфер аеродром – хотел – аеродром
 -Рачен багаж според правилата на авиокомпанијата
-7 ноќевања на база полн пансион во Gran Hotel Bali 4*
 -Дете од 0–2 години плаќа само 80 € за аеродромски такси
 Пакет цената е изразена по лице во дво/трокреветна соба и вклучува: Полн пансион + Трансфери Скопје-Тирана-Скопје + Авио Билет

Во цената не е вклучено:
 -Патничко осигурување
 -Туристичка такса во хотел: (се плаќа на рецепција при сместување)
 -Доплата за СПА центар: (се плаќа директно во хотел)
 -Доплата за соба со поглед на море: (се плаќа во агенцијата)

• Агенцијата го задржува правото за промена на распоредот на летање доколку авио компанијата ги промени летовите за што патниците ќе бидат навремено известени.
• Пасошот треба да е со важност од минимум 90 дена од моментот на влез во земја од Шенген зоната.
• Пожелно е секој патник да има валидно патничко осигурување. (Патничко осигурување може да извадите во нашата агенција).
• При резервацијата треба да се плати 30% од вкупниот износ на аранжманот.
• Плаќањата извршени во денарска противвредност ќе се пресметуваат по курс 1 EUR = 62 МКД.

 
ФАКУЛТАТИВЕН ИЗЛЕТ - Целодневна посета на Валенсија со водич – град со безвременска магија - 85€ по лице Времетраење на турата: 09:00 – 19:30

Започнуваме со импресивните Торес де Серанос – величествен симбол на Валенсија и дел од некогашните градски ѕидини што го штителе стариот град. Потоа се упатуваме низ преубавите градини Турија, еден од најголемите урбани паркови во Европа. Создаден на местото на поранешното корито на реката, овој парк е долг над 9 километри, поминува под 18 историски мостови и ги поврзува најзначајните градски атракции.

Од модерниот Биопарк – зоолошка градина каде животните живеат во природно опкружување – стасуваме до футуристичкиот Град на уметностите и науките, дело на Сантијаго Калатрава и Феликс Кандела. Во овој комплекс се наоѓаат:

• Океанографик – најголемиот аквариум во Европа
• Музејот на науките
• Палау де лес Артс – центар за уметност и култура со светски репертоар

Нашата прошетка продолжува кон Plaza de la Virgen, еден од најстарите плоштади во градот, каде се наоѓа прекрасната Фонтана Турија. Тука е и Катедралата на Валенсија, каде што, според преданието, се чува Светиот Грал. За оние што сакаат мал предизвик, се нуди качување на Торањот Мигелете – 214 скалила со поглед што го одзема здивот.

Навлегуваме во Барио дел Кармен, кварт исполнет со тесни улици, живописни фасади и историја на секој чекор. Тука се наоѓа и најтесната куќа во светот – широка само 107 сантиметри!

Следува посета на Централниот пазар, вистински гастрономски рај каде мирисите, боите и вкусовите на Валенсија се претвораат во доживување.

Не ја изоставуваме и Lonja de la Seda, ремек-дело на готската архитектура и светско културно наследство на УНЕСКО, како и елегантниот Mercado de Colón, симбол на модернистичката убавина на градот.

Валенсија не е само град – тоа е совршена комбинација на историја, уметност, вкус и енергија. Подгответе се за екскурзија што навистина ги буди сите сетила!