НОРВЕШКА И НОРВЕШКИТЕ ФЈОРДОВИ

Сега е вистинското време да го наполните вашето срце, очи и алмбум со незаборавни спомени...  Постои место каде природата не штедела на убавини, па на едно место подарила планини, водопади, море, а човекот направил патишта, железници, бродови за сето тоа да ни биде достапно. Норвешките ФЈОРДОВИ не се само место. Тоа е искуство. Моменти во кои нема да верувате додека не ги доживеете. Секој регион во Норвешка ви нуди уникатен сет на знаменитости и атракции, од Атлантскиот пат на северозапад, до Берген на југозапад, дозволете си да бидете инспирирани, а за фјордовите може да се каже дека се авантура која ве чека зад секој агол. Додека патувате по Норвешките Фјордови се развива една фантастична приказна со многу поглавја. Кога ги гледате високите планини кои го опкружуваат Nærøyfjord, најтесниот фјорд во светот, можете да ја оцените огромната моќ на природата. Но, што всушност е фјорд?  Фјордот е длабоко, тесно и издолжено море или езеро, со стрмно копно од три страни. Фјорд е еден од ретките норвешки зборови што станале меѓународни... Приказната за уникатното искуство ја продолжуваме во наредните седум дена, почнуваќи од Осло...

04 август (Понеделник)   Скопје – Осло – Геило Состанок на група на аеродромот во Скопје 2 часа пред лет. Полетување за Осло во 04.00 часот. Слетување во Осло во 09.00часот. Организиран трансфер од аеродром до Осло, каде групата се состанува со локалниот водич и почнува разглед на градот (комбинација од пешачење и панорамско разгледување) 2часа: обиколка на норвешката престолнина која минува низ централното подрачје со катедралата, Парламентот, главната улица Карл Јохан, Универзитетот и Кралската палата со прошетка во импресивниот парк Вигеланд со повеќе од 200 неверојатни скулптури. Слободно време. Во попладневните часови поаѓање за Геило - град познат по скијачките центри, планинарски патеки и два прекрасни национални паркови познати по артичките лисици и диви ирваси, како и повеќе езерца и реки. Сместување во хотел. Слободна вечер. Ноќевање.

05 август (Втоеник)   Геило – Берген Појадок. Патување кон Берген со попатно застанување на водопадите Ворингфосен. Овие импресивни водопади имат слободен пад од 145 метри и се една од најпосетуваните туристички атракции во Норвешка и веројатно најпознатиот водопад во земјата. Пристигнување во Берген. Разгледување на Берген со водич, уште наречен и срцето на фјордовите. Иако Берген е втор по големина град во Норвешка, има атмосфера на мал град, преполн со шарм и урбан карактер. Уживајте во тесните калдрмести улички, како и можноста да се види местото на светско наследство на УНЕСКО Бриген, “The Hanseatic Wharf”, најочигледниот остаток од времето кога Берген бил центар на трговијата меѓу Норвешка и останатите градови во Европа. Сместување во хотел.  Ноќевање.

06 август ( Среда)  Берген - Согнефјорд (Леикангер) Појадок. Можност за два различни адреналински факултативини излети.  Flam Railway (релација Флам-Мирдал-Флам) е најстрмната железница во Европа, неверојатно патување меѓу планини и фјордови. Железницата Флам е  линија долга 20 км од главната Бергенска линија, таа минува низ долината Флам и ја поврзува главната линија со Согнефјорд и селото Флам фјорд. Висинската разлика на линијата е 863 метри, со десет станици, дваесет тунели и еден мост. Крстарење по Nærøyfjord: започнува од Flåm, бродот ќе го започне своето патување пловејќи низ идиличниот Аурландс фјорд, кој исто така е впишан на списокот на светското наследство на УНЕСКО. Понатаму, бродот продолжува низ тесниот Nærøyfjord пред да пристигне Гудванген, највнатрешниот фјорд од целиот Нордфјорд. Крстарењето е околу два часа во еден правец, од Флам до Гудванген од каде групата ќе биде превземена со автобус. Патување кон Леикангер, сместување во хотел. Ноќевање.

07 август (Четврток)   Согнефјорд (Леикангер) – Нордфјорд Појадок. Патување кон Бриксдал во посета на глечерот Бриксдал, опција да се изнајми „Тролкар“  (мали електрчини коли, налик на голф количка) во случај да не сакате да пешачите. Патеката е долга 2,5 километри, пешачењето трае околу 45-60 минути и е релативно рамна со мали наклони, со севкупна надморска височина од 200метри. Глечерот Бриксдал е една од најпосетуваните туристички атракции во Норвешка, опкружен со величествени планини и прекрасни водопади. Уживате во спектакуларните пејзажни на планинските водопади, кристално чистите езера и традиционалната архитектура. Патување кон Нортфјорд, сместување во хотел. Ноќевање

08 август (Петок)   Нордфјорд – Молде – Кристијансунд Појадок. Премин со траект од Линге до Ајсдал. ( Linge → Eisdal). Групата се упатува на портот Геирангер (Geiranger pier - NORWAY'S BEST) од каде што започнува крстарење по фјордовите од Гејрангер до Хелсилт. Гејрангер фјорд, еден од најпознатите во светот, вистински скапоцен камен, со својата карактеристична форма S. Високите водопади и напуштените планински форми и целиот овој пејзаж на фјордот е вклучен на листата на светското наследство на УНЕСКО. Патувањето продолжува кон Кристијансунд преку Молде и автопатот Атлантик. Крајбрежниот атлантски пат е еден од најсценските за возење во светот, уникатен дел од патот ве води веднаш до работ на океанот. Во 2005 година патот беше прогласен за „Инженерски подвиг на векот“ на Норвешка. Отворен во 1989 година, има статус на Национална туристичка рута, целиот дел помеѓу Буд и Кристијансунд е едно континуирано искуство преполно со крајбрежни предели, култура и историја. Отворете ги сите ваши сетила бидејќи искуството на Atlantic Road ќе ви остави спомени за цел живот. Пристигнување во Кристијансунд, шарениот град уште се нарекува Атлантик Сити, бидејќи е најблискиот град до еден од најсценските патишта во светот - Атлантскиот пат. Сместување во хотел. Ноќевање.

09 август (Сабота)   Кристијансунд –Лилехамер  Појадок. Патување (09.00 часот) од Кристијансун до Лилехамер со попатни паузи и застанувања (предвидени се две до три паузи во текот на патувањето Dombas, Dovrefjell park, Oppdal) Опдали,  познат како едно од најголемите алпски одморалишта во Норвешка, поминувајќи низ Домбас, главната раскрсница на Норвешка,  каде што се среќаваат патишта, железница и неколку национални паркови. Паркот Доврфел, националниот парк со диви ирваси, планински лисици и елени, еден од најбајковитите планински области во Норвешка. Крајната дестинација е Лилехамер, Сместување во хотел. Ноќевање

10 август (Недела)   Лилехамер – Осло – Скопје Појадок. Лилехамер, познато скијачко одморалиште во јужна Норвешка. Центарот на градот го красат дрвени куќи од крајот на 19век, кои уживаат во живописната локација со поглед на северниот дел на езерото Мјоса и реката Лаген, опкружена со планини. Лилехамер беше домаќин на Зимските олимписки игри 1994 и Зимските олимписки игри за млади во 2016 година. Посета на Олимпискиот музеј кој има изложби од Зимските олимписки игри. Патување кон Осло. Пристигнување и слободно време за индивидуални активности или пак можност за посета на музеите Кон-ти-Ки и Фрам . Трансфер до аеродромот во Осло. Лет за Скопје во 20.55 часот. Слетување во 02.05часот.

Во цента е вклучено:

-Авиобилет на релација Скопје – Осло – Скопје

-1 парче рачен багаж и 1 парче чекиран багаж до 20кг. 

Информација за лет

JU 797 04AUG  SKPBEG 0400  0510 

JU 390 04AUG  BEGOSL 0610  0900 

JU 393 10AUG  OSLBEG 2055  2340                    

JU 796 11AUG  BEGSKP 0050  0205 

-6 Ноќевања со појадок во хотели според програмата:  

-1 ноќевање со појадок  во Геило ,

-1 ноќевање со појадок  во Берген, 

-1 ноќевање со појадок  во Согнефјорд (Леикангер)

-1 ноќевање со појадок во Нордфјорд, 

-1 ноќевање со појадок  во Кристијансунд ,

-1 ноќевање со појадок во Лилехамер

-Вклучен превоз и трансфери според програмата

-Разглед на Осло и Берген со локални водичи

-Премин со траект според програмата

-Крстарење по фјорд Geiranger - Hellesyt

-Организација на аранжманот, лиценциран водич / пратител за целото патување

Во цената на аранжманот НЕ е вклучено:

-Можност за вечера 6 дена  -  220 евра

-Доплата за еднокреветна соба – 270 евра

-Патничко – здравствено осигурување

Факултативи:

-Влез за музејот Фрам  - 15 евра по лице

-Влез за музејот КОН ТИКИ  - 10 евра по лице

-Трол автомобили Бриксдал  – 35 евра

-Крстарење со Naeroyfjord  - 60 евра

-Флам железница на релација Флам-Мирдал-Флам – 80 евра

Напомена:

Сите наведени факултативи се остварливи, резервација за истите е задолжителна во агенција.

Напомена:

Цените се по лице за сместување во двокреветни соби.

За реализација на аранжманот потребен е минимум од 22 патници.

За резервација задолжителна уплата на аванс од 30% од вкупниот износ на аранжманот. Целосна доплата на аранжманот е 15 дена пред поаѓање. Усни и телефонски резервации се невалидни. Плаќањето е исклучиво во денарска противвредност по курс 1 евро = 62,00 денари.

За реализација на факултативните излети потребен е минимум од 15 патници. При резервација задолжително е изјаснување/пријавување кои од понудените факултативи ќе ги користи патникот како би можела агенцијата навремено да ги организира истите.

Агенцијата го задржува правото на промена на редоследот на програмата во случај на непредвидени објективни причини, како на пример застој на граница, доцнење на летот, застој во сообраќајот, затвореност на некој од локалитети предвидени за посета ...

Организаторот на патувањето го задржува правото по пат на ultra first или last minute понуда да ги објави и продаде слободните места по цени кои се разликуваат од оние кои се веќе објавени. Лицата кои го уплатиле аранжманот по редовен ценовник, немаат право на надомест на средства за разлика во цена.

Агенцијата го задржува правото на отказ на аранжманот 7 дена пред поаѓање доколку не е исполнет бројот на пријавени лица предвидени по програмата за ова патување.

Патникот има обврска пред поаѓање 24 часа да ја контактира агенцијата за потврда на точното време и место на поаѓање.

Патната исправа треба да е валидна минимум 3 месеци по завршувањето на аранжманот. Валидноста на патните исправи се обврска на патниците, при уплата на резервација должни се истите да ги приложат во агенцијата за проверка.

За овој аранжман важат општите услови за патување